ابوذیات عائدات
ما تدری الگلب بیه نار شبـّــــــــیــت
یحبک من صغر من یوم شبـّـــــیــت
راسی او کل وجودی اعتقد شبّــیـت
علی الما وفه دینه او خان بیه
یَرن حسبات گلبی ما تراهــــن
المصایب دهورنک ما تراهـــن
ربّک لحظه لحظه متراهـــــن
سهمی صار ثلثینه اذیـّـــــــه
اشوفن گلبک اسود ماترانــــــــی
ضحیه ابنارطبخک ما ترانــــــــی
حیف الزمن غدره ماترانـــــــــی
بخیل او ما صدت طیری بدیه
حبیبی دمعی امسحه وارضه عـنـــی
النکد والضیم غذن و ارضه عنـی
اذا مختاض اجیلک و ارضه عنـی
نطوف الغیض و انعید سویه
انشدک من هو دسالک منهـــــداک
او سکر حبی اببسماتک منهــــداک
شکرت الرب الی غنوه منهــــداک
شمس و اتنور و اتضوّی الثنــــیّه
علیک اسئلت کل طارش والی جــای
اقدّر دوم خطاری و الــــــی جای
خصوصا لو سمع گلبی ولی جـای
افرش دربه بجفونی او بـــــدیّه
طوّلت العمر بل فکر ما طــــال
الدهر ما کفنی ما طلنی او ما طل
زامطنی ابطلال الحرب ما طال
طحت بارض الرمل و انهت علیه
الگلب لو یبس ذکره طبعه لیـــــنه
و اذا عسکر حرسکم طبعه لیـــنــه
شوف العدو ناصب طبعه لینـــــه
یرید اثنینه انموت ســــــــــــویه
عبر شط الهجر گلبی وجالـــــــک
اسنین المضت تچالک و جالک
ابشتاء بردان من شافک وجالک
دمع عینک یطــــفی النار الیه
ما استلذ گعده ابغیر ونســـــــــاک
الک بل گلب چم حصرات ونســـاک
اذا انته الدهر جافاک وانســـــاک
انه الدهر حاسبنی ابمنــــــــــــیّه
توسع جرحی من هجرک ولا طاب
انلچم گلبی او عفت بیتک ولا طاب
ما شفت الوفــــــــا منک ولا طب
شفت بس بالرده تهجم علیه
اطواب الدهر گلبی ثوّرنه
انرسم رسمه ابحیاته ثورنــه
اذا یحکم علینه ثورنــه
یعدمنه ابعجل قبل المنیه
علی داسن اهمومی او تلوهنی
کثر شیبی ابونینی او تلوهنـی
بعد ستین عمری او تلوهنـــی
بگیت احسب و اعد ساعات الیه
ابو احمد ما نسه قولک و طــرواک
روحه انسلبت ابموتک و طار ویاک
یبویه ابگعده لو نذکرابطــر واک
تفز روحی ابحلم بس رد علیه
هجر بینه الدهر یابه او بچانه
الحزن ما تاه من هجرک بچّانه
بعد خمسین اشم ریحة بچانه
ابو امهیدی العذب در بلثنـیّـه
الحسافه اویاک عمری خله صّیته
الف نچبه ابگلبی خله صّیــتـــه
اشلون اسنین عمری خله صّیـتـــه
ادری بیه صدگ مجنون بــیّـه
لا تزعل علی ابن امک وسیلــه
اذا غاب او بعد عنک وسیلـــــه
علی الیوفی اسلت سیفک و سیلّه
اوگفله ابجهد حتی المنـــــــــیّه
جاسم ثعلبی (حسانی ) 29/06/1393
:: برچسب‌ها:
ابوذیات عائدات ,
:: بازدید از این مطلب : 1975
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
